Angel's Pen

Write's Note:

Since WALA namang nakaka-alam sa page ko na to, mabuti pa dito ko nalang ibuhos to. kung sakaling may makakakita't makakabasa man nito, can you notify me? comments are much appreciated :D

Chapter One

|Gayle|

Nagising ako na medyo nahihilo. Ipinikit ko ang aking mga mata dahil parang sasabog na ang aking ulo. Sari-saring mga emosyon ang dumadaloy sa aking katawan na hindi ko maipaliwanag.ngayon lang ito nangyari sa akin. Nang mahimasmasan ako ng kaunti, iminulat ko ang aking mga mata upang tingnan ang aking kapaligiran.

Nasan ako?!

Lahat ng nakikita ko ay kulay puti. Sinubukan kong tumayo ngunit hindi ko kaya. Ang sakit ng ulo ko.

Tumayo ka anak  saad ng isang tinig mula sa aking likuran

 Nagulat na lang ako ng kusang tumayo ang aking mga paa. Sino ba siya? Parang nabasa niya ang iniisip ko sapagkat sumagot siya

Ako si San Pedro Anak.Ikaw Gayle ay nasa Pagitan ng buhay at kamatayan..

Ha? Anong pinag sasabi ng matandang ito. Hindi porket naka  daster siya ng puti na animo’y damit ni Jesus maniniwala ako sa kaniya

Maniwala ka Gayle. Gusto mo ng proweba?

Dahil sa likas ako na Curios ay tumango ako.

Tumingin ka sa inaapakan mo.

Nung tiningnan ko ay napasinghap ako. Ang dating puti, ngayon ay parang naging salamin at ang nilalaman?  Ako na nakahiga sa isang kama sa hospital at ang katawan ko ay puno ng bandage at mga nakatusok na naka-konekta sa iba’t ibang klase ng makinarya. Napa-hikbi ako sapagkat naaawa ako sa kalagayan ko. Ang putla-putla ko, parang patay. Mas lalo pa akong napaiyak ng Makita ko ang aking mga magulang at kakambal sa tabi ng aking kama. lahat sila’y umiiyak. Ito ang unang beses na nakita kong umiyak ang aking ama.

Patay na ba ako?  Hindi ko maiwasang mapatanong

Katulad ng sinabi ko kanina, nasa pagitan ka ng buhay at kamatayan. Hindi ka pa patay ngunit hindi ka rin naman buhay.

Huh?! Edi ano ako?

Naliligaw na kaluluwa

Naliligaw na kaluluwa? E diba parang patay na rin yun? Nakita ko naman na napangiti si san Pedro. Naliligaw? T-teka, edi may posibilidad na..

Kung naliligaw ako, edi may posibilidad na makabalik ako sa katawan ko.

Sumang-ayon naman si San Pedro. Halos mapalundag ako dahil sa tuwa ngunit natigilan ng marinig ko ang sumunod niyang sinabi:

Makakabalik ka lamang kapag nagawa mo ang ipapagawa ko.

Nakaramdam ako ng kaba. Base kasi sa ekspresyon ng kaniyang mukha ay mukhang mahirap ito. Ngunit ng napatingin ako sa salamin ay nabawasan ng kaunti ang aking nararamdaman.

A-ano ba yun? Nag-aalangan kong tanong

Kailangan mong sunduin ang mga kaluluwa na kailangan ng husgahan, mga taong kailangan ng mamatay...

Napalunok ako. Kailangan kong gawin iyon, alang-alang sa aking Pamilya.Mukhang nakita naman ni San Pedro ang determinasyon na dumampi sa aking mga mata kaya’t ipinagpatuloy niya ang kaniyang sasabihin

May tatlo kang tao na susunduin. Ang pangalan nila ay nakasulat sa kwadernong ito (inabot ang isang kulay ginto na hard-bound na libro) Isusulat mo diyan sa kung paanong paraan sila namatay, eto ang panulat ( inabot niya ang isang kulay itim na panulat).

teka, paano ko malalaman na sila na pala ‘yon?

malalaman mong sila na iyon kapag may maramdaman ka na kakatwa kapag nakita mo ang kanilang mukha. Babalik ka mundo bilang isang tao ngunit sa ibang katauhan.Maaari mong bisitahin ang iyong mga magulang ngunit hindi ka pwedeng magpakilala bilang si Gayle Angelique Salvador. Siya nga pala, meron kang 2 linggo para matapos mo ang misyon na ito.

Nilagay ni San Pedro ang Kamay niya sa balikat ko

Hindi lang ikaw ang makikinabang sa misyong ito..kaya’t hanggang maaari ay lawakan mo ang iyong pag-iisip.dito masusubok ang paninindigan at katatagan mo...

Pagkatapos niyang sabihin iyon, naramdaman ko na lang na nahuhulog na ako. Kung saan? Hindi ko alam.